മസ്തിഷ്കവും നട്ടെല്ലും സംബന്ധിച്ച പ്രശ്നങ്ങൾ ആധുനിക മൈക്രോ ന്യൂറോ സർജറിയിലൂടെ അതിവിദഗ്ധമായി കൈകാര്യം ചെയ്യപ്പെടുന്നു

നമുക്കേവർക്കും അറിയാവുന്നതുപോലെ ശാസ്ത്രസാങ്കേതിക തലത്തിൽ ഒട്ടേറെ വളർച്ചയാണ് കൈവന്നുകൊണ്ടിരിക്കുന്നത്. ആധുനിക ന്യൂറോസർജറി ശസ്ത്രക്രിയാരീതികളിൽ ഗണ്യമായ മികവ് നമുക്ക് കൈവരിക്കാൻ കഴിഞ്ഞു എന്നതാണ് പ്രധാനനേട്ടം.

തലച്ചോറ്, നട്ടെല്ല് എന്നിവിടങ്ങളിൽ വരുന്ന തികച്ചും സങ്കീർണ്ണവും മാരകവുമായ രോഗങ്ങളെ പോലും ഇന്ന് ആധുനിക മൈക്രോ ന്യൂറോ സർജറിയുടെ സഹായത്താൽ പരിഹരിക്കാൻ സാധിച്ചു എന്നുള്ളത് എടുത്തുപറയേണ്ടത് തന്നെയാണ്.

മനുഷ്യശരീരത്തിലെ ഏറ്റവും സങ്കീർണ്ണമായ അവയവം ഏതെന്നു ചോദിച്ചാൽ നിസ്സംശയം പറയാൻ സാധിക്കും - അവ തലച്ചോറും നട്ടെല്ലുമാണ്. ഈ കാരണം കൊണ്ട് തന്നെ സ്വാഭാവികമായും വൈദ്യശാസ്ത്ര രംഗത്ത് ഏറ്റവും അധികം വെല്ലുവിളികൾ നേരിടേണ്ടി വരുന്നതും ഇവയ്ക്കു തന്നെയാണ്. തലച്ചോർ - നട്ടെല്ല് സംബന്ധമായ ശസ്ത്രക്രിയകൾ എന്നും സങ്കീർണ്ണവും അത്യധികം കൃത്യതയും ആവശ്യപ്പെടുന്ന ഒരു മേഖലയായിട്ടാണ് കണക്കാക്കപ്പെടുന്നത്.

വൈദ്യശാസ്ത്ര രംഗത്തെ വിപുലമായ ഗവേഷണങ്ങൾക്കും പ്രസിദ്ധീകരണങ്ങൾക്കും  പുറമെ ശസ്ത്രക്രിയാ രീതികളിൽ വന്നുചേർന്നിരിക്കുന്ന അതിനൂതനമായ പുരോഗമനങ്ങളുടെ ഫലമായി ന്യൂറോസർജറി അതിശ്രേഷ്ഠമായി തന്നെ മെച്ചപ്പെട്ടിരിക്കുന്നു എന്നുള്ളത് പ്രശംസനീയമായ കാര്യമാണ്.

എന്നാൽ പത്തൊമ്പതാം നൂറ്റാണ്ടിന്റെ അവസാനം മുതൽ ഇരുപതാം നൂറ്റാണ്ടിന്റെ ആരംഭം വരെ ന്യൂറോ സർജറിയിൽ കാര്യമായ പുരോഗതികൾ ഒന്നും തന്നെ സംഭവിച്ചിരുന്നില്ല എന്ന് വേണം പറയാൻ.

1879  - ഇൽ Dr. William Macewen (1848 -1924) എന്ന സ്കോട്ടിഷ് സർജൻ Neurological ലക്ഷണങ്ങളെ മാത്രം കേന്ദ്രികരിച്ചു തലച്ചോറിൽ നിന്നും Tumor നീക്കം ചെയ്തു കൊണ്ട് ന്യൂറോ സർജറിക്കു ആദ്യമായി പരിപൂർണ വിജയം നേടി കൊടുക്കുകയുണ്ടായി. എന്നാൽ 1884, November 25 - നു Dr. Rickman Godlee (1849 -1925) എന്ന ഇംഗ്ലീഷ് സർജൻ, Trephination എന്ന പ്രക്രിയ വഴി ആദ്യത്തെ പ്രാഥമിക Brain Tumor ശസ്ത്രക്രിയ നിർവഹിച്ചു. 1907, March16 - നു Dr. Hermann Schloffer എന്ന ഓസ്ട്രിയൻ സർജനാണ് ആദ്യമായി Pituitary Tumour നീക്കം ചെയ്യുന്നതിൽ വിജയിച്ചത്. ഇതിനു പുറമെ പ്രതിവിധി ഇല്ലാത്ത അനേകം രോഗങ്ങൾക്ക് വേണ്ടിയുള്ള മുൻനിര ഗവേഷണത്തിൽ ഒരു നല്ല പങ്കുവഹിക്കുവാൻ Neurosurgeons - നു സാധിക്കുന്നുണ്ട്. ഓരോ ശസ്ത്രക്രിയയുടെ വിജയത്തിലും ഒരു Neurosurgeon അനുഭവിക്കുന്ന ചാരിതാർഥ്യം അക്ഷരാർത്ഥത്തിൽ പറഞ്ഞറിയിക്കാൻ ആവാത്തതിലും അധികമാണ്.

ഏറെ വൈദഗ്‌ദ്ധ്യവും, നിരന്തര പരിശ്രമവും, അതിലും ഉപരിയായി ശസ്ത്രക്രിയയിലുള്ള പരിജ്ഞാനവും ശാരീരിക സഹിഷ്ണുതയും ഒരുപോലെ ആവശ്യപ്പെടുന്ന മേഖലയാണ് ന്യൂറോ സർജറി (പ്രത്യേകമായും തലച്ചോറിന്റെയും നട്ടെല്ലിന്ടെയും ശസ്ത്രക്രിയകൾ).

ഒരു ശരാശരി ന്യൂറോ സർജറി ഏകദേശം 4- 10  മണിക്കൂർ വരെ നീണ്ടുനിൽക്കുന്നവയാണ്.

തലച്ചോറിന്റെയും നട്ടെല്ലിന്ടെയും വിവിധ തരത്തിലുള്ള രോഗങ്ങളെയും അസ്വാഭാവികതകളെയും ന്യൂറോ സർജറി കൈകാര്യം ചെയ്യുന്നു. ഒരു Neurosurgical Patient -നു Neurosurgeons ൻ്റെ മാത്രമല്ല Neuro Anaesthetists, Neuro Intensivists, Neurologist, Neuro Radiologists, Neuro Psychiatrist, Neuro Nurses, Neuro Physiotherapists, Nutritional Therapists എന്നിവർ അടങ്ങിയ വിദഗ്ധരുടെ 24 മണിക്കൂർ തുടർച്ചയായ പരിചരണവും ലഭിക്കുന്നു.

തലയ്ക്കും നട്ടെല്ലിനും പരിക്ക്

റോഡിൽ വച്ചുണ്ടാവുന്ന അപകടങ്ങൾ, തലയിടിച്ചുള്ള വീഴ്ചകൾ, ആക്രമണങ്ങൾ മൂലം സംഭവിക്കുന്ന ശിരസ്സിലെ പരിക്കുകൾ എന്നിവയെല്ലാം വേണ്ടവിധത്തിൽ കൈകാര്യം ചെയ്യേണ്ടതു ഒരു Neurosurgeon ൻ്റെ പ്രവൃത്തിമണ്ഡലത്തിൽ പെടുന്നതാണ്. അപകടം സംഭവിച്ചത് മൂലം തലയിൽ ഏൽക്കുന്ന പരിക്കുകൾ Clot-നു കാരണമാവുന്നു. ഇത് സസൂക്ഷ്മം നീക്കം ചെയ്യുക, അപകടം മൂലം തലയോട്ടിയിൽ ഉണ്ടാവുന്ന പൊട്ടലുകൾ, നട്ടെല്ലിൽ ഉണ്ടാവുന്ന പൊട്ടലുകൾ എന്നിവ പരിഹരിക്കാൻ വേണ്ടുന്ന സങ്കീർണമായ പ്രക്രിയകളും ഒരു Neurosurgeon ചെയ്തുവരുന്നു. തല ട്രോമയെക്കുറിച്ചുള്ള ഗവേഷണവും ധാരണയും വർദ്ധിച്ചതോടെ ചികിത്സയുടെ വിജയ നിരക്ക് വർദ്ധിച്ചുകൊണ്ടിരിക്കുകയാണ്, ഇപ്പോൾ ഇത് ഏകദേശം 95% ആണ്.

മസ്തിഷ്ക രക്തസ്രാവം

Hypertensive Bleeds, Abnormal Vessel Bleeds മുതലായ യാദൃശ്ചികമായി സംഭവിക്കുന്ന രക്തസ്രാവം വഴി രൂപപ്പെടുന്ന Clots നീക്കം ചെയ്യുന്നതും Neurosurgeon തന്നെയാണ്. Coiling, Embolization പോലുള്ള Minimally Invasive Interventional തെറാപ്പികൾ മികച്ച ഫലസാധ്യത ഉറപ്പു വരുത്തുന്നു.

ബ്രെയിൻ ട്യൂമർ

തലച്ചോറിനുള്ളിലെ അസാധാരണ കോശങ്ങളുടെ രൂപവത്കരണത്തെ ബ്രെയിൻ ട്യൂമർ എന്ന വാക്കു കൊണ്ട് സൂചിപ്പിക്കുന്നു. രണ്ട് പ്രധാന തരം ബ്രെയിൻ ട്യൂമറുകൾ ആണ് ഉള്ളത് -  മാരകമായ (ക്യാൻസർ) മുഴകൾ, അപകടകരമല്ലാത്ത (ബിനൈ൯) മുഴകൾ. ആധുനിക സാങ്കേതിക വിദ്യയുടെ വരവോടെ ശാസ്ത്രക്രിയാരീതികളിൽ അനുദിനം വന്നുചേർന്നു കൊണ്ടിരിക്കുന്ന പരിഷ്‌കാരങ്ങളുടെ ഫലമായി തലച്ചോറിലും സ്‌പൈനൽ കോർഡിലും കണ്ടുവരുന്ന വിവിധയിനം ക്യാൻസർ, ട്യൂമർ എന്നിവയെ പൂർണമായും ചികിൽസിച്ചു ഭേദമാക്കാൻ കഴിയുന്നു എന്നതും എടുത്തുപറയേണ്ട ഒന്നാണ്.

മസ്തിഷ്ക മുഴകളിൽ, അവയെ തരണം ചെയ്തു മുന്നോട്ടു പോകാനുള്ള സാധ്യത താഴെ പറയുന്ന ഘടകങ്ങളെ ആശ്രയിച്ചിരിക്കുന്നു:

1. ഏതു തരം ട്യൂമർ ആണ്, ട്യൂമറിന്റെ വലുപ്പം, ഉൾപ്പെട്ടിരിക്കുന്ന പ്രദേശം, തുടക്കത്തിലെയുളള കണ്ടെത്തൽ.

2. രോഗിയുടെ പ്രായവും ആരോഗ്യവും.

3. ട്യൂമർ നീക്കം ചെയ്യുന്നതിന്റെ വ്യാപ്തി.

ട്യൂമറുകളുടെ ചികിത്സ എപ്രകാരമാണ് എന്ന് നോക്കാം:

മെനിഞ്ചിയോമ (Meningioma), ചിലതരം ഗ്ലിയോമാസ് (Gliomas) , പിറ്റ്യൂട്ടറി അഡെനോമ (Pituitary adenoma), നെർവ് ഷീത്ത് ട്യൂമറുകൾ (Nerve sheath tumors), ജേം സെൽ ട്യൂമറുകൾ (germ cell tumours), ഹീമൻജിയോബ്ലാസ്റ്റോമസ് (hemangioblastomas), കാവെർനോമസ് (cavernomas), ചിലതരം ലിംഫോമകൾ (Lymphomas) എന്നിവ   പൂർണ്ണമായും ചികിത്സിക്കാവുന്ന മസ്തിഷ്ക മുഴകളാണ് (ശരിയായ ചികിത്സയിലൂടെ) .

ശസ്ത്രക്രിയ  വഴി (ക്രെയ്നിയോറ്റമി)  നീക്കംചെയ്യൽ (റിസെക്ഷൻ) ആണ് പ്രാഥമികവും ഏറ്റവും ആവശ്യമുള്ളതുമായ നടപടി. എൻഡോസ്കോപ്പിക് ശസ്ത്രക്രിയകളും നടത്തുന്നു. അൾട്രാമോഡെൺ ഓപ്പറേറ്റിംഗ് മൈക്രോസ്കോപ്പുകൾ, ന്യൂറോനാവിഗേഷൻ സിസ്റ്റങ്ങൾ, കവിട്രോൺ അൾട്രാ സോണിക് ആസ്പിറേറ്റർ (CUSA), എൻഡോസ്കോപ്പുകൾ, മറ്റ് നൂതന ഉപകരണങ്ങൾ എന്നിവയുടെ ലഭ്യതയോടൊപ്പം ശസ്ത്രക്രിയാ രീതികളെക്കുറിച്ച് നന്നായി മനസ്സിലാക്കുന്നതിനൊപ്പം ബ്രെയിൻ ട്യൂമർ ശസ്ത്രക്രിയയുടെ സുരക്ഷയും വിജയനിരക്കും ഗണ്യമായി മെച്ചപ്പെട്ടു.

Awake ക്രെയ്നിയോറ്റമി: 

പ്രത്യേക കേന്ദ്രങ്ങളിൽ ചെയ്യുന്ന ഒരു പ്രത്യേക തരം മസ്തിഷ്ക ശസ്ത്രക്രിയയാണിത്.

ഇവിടെ രോഗിക്ക് ശസ്ത്രക്രിയയ്ക്കിടെ ശസ്ത്രക്രിയാ വിദഗ്ധനുമായി സംസാരിക്കാൻ കഴിയും. ഇത് പ്രത്യേക അനസ്തെറ്റിക് ടെക്നിക്കുകളിലൂടെ സാധ്യമാണ്. ശസ്ത്രക്രിയയ്ക്കിടെ വൈകല്യങ്ങൾ തടയാൻ ഇത് സഹായിക്കുന്നു.

ബ്രെയിൻ ട്യൂമറുകൾക്ക് സാധാരണയായി ഉപയോഗിക്കുന്ന ചികിത്സയാണ് റേഡിയോ തെറാപ്പി. ട്യൂമറിന്റെ സൈറ്റിൽ റേഡിയേഷൻ ഫോക്കസ് ചെയ്യുന്നതിന് കമ്പ്യൂട്ടറൈസ്ഡ് കണക്കുകൂട്ടലുകൾ ഉപയോഗിക്കുന്ന ഒരു ചികിത്സാ രീതിയാണ് റേഡിയോസർജറി, അതുമൂലം ചുറ്റുമുള്ള തലച്ചോറിലേക്കുള്ള റേഡിയേഷൻ അളവ് കുറയ്ക്കാൻ സാധിക്കുന്നു. സ്റ്റീരിയോടാക്റ്റിക് റേഡിയോസർജറിയുടെ തരങ്ങളിൽ ഗാമ നൈഫ്, ലീനിയർ ആക്‌സിലറേറ്റർ, സൈബർ നൈഫ് എന്നിവ ഉൾപ്പെടുന്നു.

കീമോതെറാപ്പി: LAST HERE

ക്യാൻസറിനുള്ള ഒരു ചികിത്സാ മാർഗമാണ്, മാത്രമല്ല 20% മസ്തിഷ്ക കാൻസറുകളിൽ അതിജീവനം മെച്ചപ്പെടുത്താനും സാധിക്കുന്നു. ആന്റി എപിലെപ്റ്റിക്സ് (ഫിറ്റ്സ് നിയന്ത്രിക്കൽ), സ്റ്റിറോയിഡുകൾ (ബ്രെയിൻ എഡിമ കുറയ്ക്കുക) എന്നിവയൊഴികെ ഫാർമക്കോളജിക്കൽ തെറാപ്പിയുടെ പങ്ക് പരിമിതമാണ്.

വ്യത്യസ്ത മസ്തിഷ്ക മുഴകളുടെ സ്വഭാവത്തെക്കുറിച്ച് നന്നായി മനസ്സിലാക്കുന്നതിനായി വിപുലമായ ഗവേഷണങ്ങളും പഠനങ്ങളും നടക്കുന്നുണ്ട്, ഈ ഭയാനകമായ രോഗത്തിനെതിരെ പോരാടുന്നതിന് കൂടുതൽ ചികിത്സാ രീതികൾ പരീക്ഷിച്ചു കൊണ്ടിരിക്കുകയാണ്. ഇമ്മ്യൂണോതെറാപ്പി / ബയോളജിക്കൽ റെസ്പോൺസ് മോഡിഫയർ (BRM) തെറാപ്പി, ഓങ്കോളിറ്റിക് വൈറസ് തെറാപ്പി എന്നിവയാണ് അവയിൽപെട്ടതു. ജീൻ തെറാപ്പി (തെറ്റായ ജീനുകളുടെ അല്ലെങ്കിൽ പ്രോട്ടീനുകളുടെ ടാർഗെറ്റുചെയ്‌ത തെറാപ്പി) ഹോർമോൺ തെറാപ്പി, ഫോട്ടോഡൈനാമിക് തെറാപ്പി, ഇലക്ട്രിക് ഫീൽഡ് തെറാപ്പി എന്നിവ ഭാവിയിൽ പ്രതീക്ഷ നൽകുന്ന ചില ചികിത്സാ രീതികളാണ്.

കഴുത്തിൻ്റെയും നടുവിൻ്റെയും വേദനയും അതോടൊപ്പം Disc പ്രൊലാപ്‌സ്

 പതിന്മടങ്ങു വർധിച്ചു വരുന്ന കഴുത്തിൻ്റെയും നടുവിൻ്റെയും വേദനയും അതോടൊപ്പം തന്നെയുള്ള Disc Prolapse-ഉം ചെറുപ്പക്കാർ തുടങ്ങി മുതിർന്ന വ്യക്തികൾ വരെ ഇന്ന് അകപ്പെട്ടിരിക്കുന്നു. അതിസൂക്ഷ്മ ശാസ്ത്രക്രിയയുടെ ആഗമനത്തോടൊപ്പം തന്നെ ശരീരഘടനാ ശാസ്ത്രത്തിലുള്ള പരിപൂർണ്ണ ഗ്രാഹ്യവും ഒത്തൊരുമിച്ചപ്പോൾ Disc സംബന്ധിയായ ശസ്ത്രക്രിയകൾ തീർത്തും സുരക്ഷിതവും അതിശയിപ്പിക്കും വിധത്തിലുള്ള ഫലപ്രാപ്തിയും നേടിത്തന്നിരിക്കുന്നു.

രോഗകാരണ ഘടകത്തെക്കുറിച്ച് ശരിയായ ധാരണയും അവ ഒഴിവാക്കുന്നതും  ചികിത്സയിലെ ഏറ്റവും പ്രധാനപ്പെട്ട ഘട്ടമാണ്. മനുഷ്യശരീരം രൂപകൽപ്പന ചെയ്തിരിക്കുന്നത് നിവർന്നുനിൽക്കുന്ന posture നിലനിർത്തുന്നതിനാണ്, അതിനാൽ എല്ലായ്പ്പോഴും ശരിയായ posture നിലനിർത്തുക. ഭാരം വളരെ ശ്രദ്ധാപൂർവ്വം പൊക്കുക. കഴിയുന്നത്ര ഹെഡ്‌ലോഡിംഗ് ഒഴിവാക്കുക.

കംപ്യൂട്ടറിന്റെ മുന്നിൽ അധികനേരം ചിലവഴിക്കുന്ന വ്യക്തിയാണെങ്കിൽ ഇനി പറയുന്നവ ശ്രദ്ധിക്കുക:

• നടുവിനെ ശരിയായി പിന്തുണയ്ക്കുന്ന തരത്തിൽ കസേര ക്രമീകരിച്ചുകൊണ്ട് നടുവേദനയ്ക്കുള്ള സാധ്യത കുറയ്ക്കുക.
• കമ്പ്യൂട്ടർ സ്ക്രീൻ നിങ്ങളുടെ കണ്ണിന്റെ അതെ തലത്തിൽ വയ്ക്കുക.
• കീബോർഡ് നിങ്ങളുടെ മുൻപിൽ നേരെ വയ്ക്കുക. കൈത്തണ്ട നേരെയാക്കി വെയ്ക്കുവാൻ റിസ്റ്റ് ബോർഡ് ഉപയോഗിക്കാവുന്നതാണ്.
• അധികസമയം ഒരേരീതിയിൽ തന്നെ ഇരിക്കാതെ എണീറ്റ് നിൽക്കുകയും അല്പം ശരീരം ഒന്ന് ഇരുവശങ്ങളിലേക്കും തിരിക്കുന്നതും നല്ലതാണ്. ഇടയ്ക്കിടെ കഴുത്ത് ചലിപ്പിക്കാ൯ മറക്കരുത്.

• ശരിയായ മെത്ത തിരഞ്ഞെടുത്തു അതിൽ ഉറങ്ങുക. തിരഞ്ഞെടുക്കുന്ന മെത്ത അധികം കട്ടിയുള്ളതോ കുഴിഞ്ഞു പോവുന്നതോ ആവരുത്. ഇടത്തരം കട്ടിയുള്ളതു മാത്രം തിരഞ്ഞെടുക്കുക. നമ്മുടെ നട്ടെല്ലിന് ശരിയായ  സപ്പോർട് കിട്ടത്തക്ക വിധത്തിലുള്ളവ മേടിക്കാൻ ശ്രമിക്കുക.

• അതുപോലെ തന്നെ അധികം കട്ടിയുള്ള തലയിണകൾ ഉപയോഗിക്കാതിരിക്കുക. തലയിണ ഇല്ലാതെയും ഉറങ്ങാതിരിക്കുക. അധികം കട്ടിയില്ലാത്ത  ചെറിയ തലയിണ അല്ലെങ്കിൽ സെർവിക്കൽ തലയിണ ഉപയോഗിക്കുക. കഴുത്തുവേദനയുള്ളവർക്കു സെർവൈക്കൽ പില്ലോ വളരെ ഫലപ്രദമാണ്. ഒരുപരിധി വരെ കഴുത്തുവേദന ഇതിന്റെ ഉപയോഗം മൂലം കുറയുന്നു. ഇത് ഓൺലൈൻ വഴി  മേടിക്കാവുന്നതാണ്.

• ഇരുന്ന്  ഒരിക്കലും ഉറങ്ങരുത് . ചലിക്കുന്ന വാഹനത്തിൽ ഒരിക്കലും ഉറങ്ങരുത്.

പേശികളെ ശക്തിപ്പെടുത്തുന്നതിന് കഴുത്തിന്റെയും നട്ടെല്ലിന്റെയും വ്യായാമങ്ങൾ പതിവായി പരിശീലിക്കുക. കഴുത്തു മുന്നിലേക്കും പിന്നിലേക്കും ഇരു വശങ്ങളിലേക്കും മെല്ലെ ചലിപ്പിക്കുന്നത് വഴി കഴുത്തിന് അനുഭവിക്കുന്ന പിടുത്തം ശമിക്കുന്നു. ഇത് ദിവസേന 10-15  തവണ ചെയ്യുന്നത് നല്ലതാണ്.

ലഭ്യമായ വീട്ടുവൈദ്യങ്ങളും ചികിത്സാ ഓപ്ഷനുകളും എന്തൊക്കെയെന്ന് നോക്കാം

 കടുത്ത വേദന ഉണ്ടെങ്കിൽ ശരിയായ വിശ്രമവും, വേദനസംഹാരി ഓയിന്റ്മെന്റുകളും മിക്ക കേസുകളിലും സഹായകമാകും. മസിൽ റിലാക്സന്റുകൾ തുടങ്ങിയ മരുന്നുകളും കഴിക്കുന്നത് ഫലപ്രദമാണ്. കൈയിലും വിരലിലും മരവിപ്പ് അല്ലെങ്കിൽ പുകച്ചിൽ ഉണ്ടെങ്കിൽ ചില മരുന്നുകൾ പ്രത്യേകമായി നൽകാം.

ഫിസിയോതെറാപ്പി, ഹീറ്റ് ആപ്ലിക്കേഷൻ, ഡീപ് ടിഷ്യു മസാജ്, അൾട്രാസൗണ്ട് അല്ലെങ്കിൽ ഇലക്ട്രിക് stimulation എന്നിവ സഹായിക്കും. വേദന കുറഞ്ഞുകഴിഞ്ഞാൽ, ശരിയായ വ്യായാമങ്ങൾ, യോഗ തുടങ്ങിയവ പേശികളെ സ്ടെറച്ചു ചെയ്യാനു൦ ശക്തിപ്പെടുത്താനും സഹായിക്കും. ഒട്ടുമുക്കാൽ വ്യക്തികളിലും കഴുത്തു നടുവ് അനുബന്ധിച്ച വേദനകൾ ഫിസിയോതെറാപ്പി മൂലം കുറയുന്നതായി കാണപ്പെടുന്നു. എന്നാൽ ഡിസ്ക് പ്രൊലാപ്‌സ് മൂലമുള്ള വേദനകൾക്ക് ഫിസിയോതെറാപ്പി കൊണ്ട് ഫലം കണ്ടെന്നു വരില്ല.

എന്നാൽ നിരന്തരമായ വേദനയോടനുബന്ധിച്ചു കൈകാലുകളിലേക്കു തരിപ്പ് അനുഭവപ്പെടുക, തളർച്ച അനുഭവപ്പെടുക എന്നത് കഠിനമായ തേയ്മാനത്തിന്റെ ലക്ഷണമാണ്. ഇങ്ങനെയുള്ള ലക്ഷണങ്ങൾ കണ്ടു തുടങ്ങിയാൽ എത്രയും വേഗം അടുത്തുള്ള ന്യൂറോ  സ്പെഷ്യലിസ്റ് ഡോക്ടറിനെ കാണേണ്ടത് അത്യാവശ്യമാണ്. കൂടുതൽ ചികിത്സ ആസൂത്രണം ചെയ്യുന്നതിന് മുമ്പ് ശരിയായി വിലയിരുത്തണം. ഇപ്പോൾ X-ray,  MRI സ്കാൻ, CT സ്കാൻ, NCS, EMG മുതലായ അത്യാധുനിക അന്വേഷണ രീതികളുണ്ട്. എപ്പോഴും ഓർക്കുക ചികിത്സ ആസൂത്രണം ചെയ്യുന്നതിനുമുമ്പ് ആവശ്യമായ എല്ലാ പരിശോധനകളും നടത്തേണ്ടത് വളരെ പ്രധാനമാണ്.

നിരവധി ബദൽ മെഡിസിൻ തെറാപ്പിസ്റ്റുകളും ഡോക്ടർമാരും വേദനയുടെ കൃത്യമായ കാരണം വ്യക്തമായി വിലയിരുത്താതെ ചികിത്സ വാഗ്ദാനം ചെയ്യുന്ന ശീലമുണ്ട്, അത് വലിയ പ്രത്യാഘാതങ്ങൾക്ക് കാരണമാകും. സ്ഥിരമായ വേദന ഉണ്ടാക്കുന്ന അല്ലെങ്കിൽ കഴുത്ത് / കൈയ്യ് എന്നിവയുടെ ചലന ബുദ്ധിമുട്ട് അല്ലെങ്കിൽ ബലഹീനത ഉണ്ടാക്കുന്ന ചില ഡിസ്ക് പ്രോലാപ്സുകളിൽ കീഹോൾ ശസ്ത്രക്രിയ വളരെ സഹായകരമാണ്.

സർജറി എപ്പോഴൊക്കെ ആവശ്യമായി വരുന്നു?

യാഥാസ്ഥിതിക ചികിത്സകൾ ഫലവത്തായില്ലെങ്കിലും നിങ്ങളുടെ വേദന അസഹനീയവും നിങ്ങളെ നിഷ്ക്രയരാക്കുന്നതുമാണെങ്കിൽ  സർജറി ഒരു ഓപ്ഷനായിരിക്കാം. കൈകളിലേക്കോ കാലുകളിലേക്കോ താഴേക്ക് പോകുന്ന അനുബന്ധ വേദനയോ മരവിപ്പോ ഉണ്ടാവുന്നതു പലപ്പോഴും നിങ്ങളുടെ നട്ടെല്ലിലെ ഞരമ്പുകൾ ഞെരുക്കപ്പെടുന്നത് മൂലമാണ്.

വീർത്തതോ തള്ളിനിൽക്കുന്നതോ ആയ ഡിസ്കുകൾ ചിലപ്പോൾ ഒരു സുഷുമ്നാ നാഡിക്ക് നേരെ വളരെ ദൃഡമായി അമർത്തി അതിന്റെ പ്രവർത്തനത്തെ ബാധിക്കും. ഈ അവസരത്തിൽ സർജറി ആവശ്യമായി വന്നേക്കാം. MRI എടുത്തു ഇത് സ്ഥിതീകരിക്കാവുന്നതാണ്.

കീഹോൾ ശസ്ത്രക്രിയ താരതമ്യേന സുരക്ഷിതമായ പ്രക്രിയയാണ്, വിജയ നിരക്ക് 95%ൽ കൂടുതലാണ്. ചില കഠിനമായ സന്ദർഭങ്ങളിൽ, രോഗബാധിത പ്രദേശത്ത് കൃത്രിമ  ഇംപ്ലാന്റുകൾ സ്ഥാപിക്കേണ്ടതുണ്ട്.

ഓപ്പറേറ്റിംഗ് മൈക്രോസ്കോപ്പുകൾ, ന്യൂറോ മോണിറ്ററിംഗ്, ഹൈ-ക്ലാസ് ഇംപ്ലാന്റുകൾ പോലുള്ള   ലഭ്യമായ ആധുനിക ഉപകരണങ്ങൾ ഉപയോഗിച്ച്,  ഡിസ്ക് പ്രശ്നങ്ങൾക്കും അനുബന്ധ പ്രശ്നങ്ങൾക്കുമായുള്ള ശസ്ത്രക്രിയകൾ താരതമ്യേന സുരക്ഷിതവും ലളിതവുമായി‌ pl

 ചെയ്യാവുന്നതാണ്. കൂടാതെ ആശുപത്രിവാസം വളരെകുറച്ച് ദിവസങ്ങളിലേക്ക് മിതപ്പെടുത്താൻ സാധിക്കും .

ബയോ മെറ്റീരിയൽ ഡെവലപ്‌മെന്റ്, കമ്പ്യൂട്ടർ സഹായത്തോടെയുള്ള  ഇമേജ്-ഗൈഡഡ് ടെക്‌നോളജി, എല്ലിന്റെയും ഡിസ്‌കിന്റെയും മോളിക്യുലാർ ബയോളജി എന്നിവയിലെ കൂടുതൽ പുരോഗതികൾ നട്ടെല്ല് തകരാറുകൾ ചികിത്സിക്കുന്നതിനുള്ള വളരെ ശക്തമായ സാങ്കേതിക വിദ്യകൾ വികസിപ്പിക്കുന്നതിന് സഹായകമായി എന്ന് വേണം പറയാൻ.

വളർന്നുവരുന്ന സാങ്കേതികവിദ്യയുടെയും ജൈവിക പുരോഗതിയുടെയും ഈ സംയോജനo മൂലം ചെറിയ മുറിവുകൾ, സാധാരണ ടിഷ്യൂകൾക്ക് കുറഞ്ഞ ആഘാതം, വേഗത്തിലുള്ള രോഗശാന്തി സമയം, വേദന, നാഡീസംബന്ധമായ പ്രശ്നങ്ങൾ എന്നിവയിൽ നിന്ന് തുല്യമോ മികച്ചതോ ആയ ആശ്വാസം, പ്രവർത്തന നിലയിലേക്ക് വേഗത്തിൽ മടങ്ങുക എന്നിവയ്ക്ക് വഴി ഒരുക്കിയിരിക്കുന്നു.

സ്പൈനൽ കനാൽ സ്റ്റെനോസിസ്

പ്രായവുമായി ബന്ധപ്പെട്ട കഠിനമായ സ്‌പോണ്ടിലൈറ്റിസ് കാരണം സുഷുമ്‌നാ നാഡി സുഷുമ്‌നാ കനാലിൽ കംപ്രഷൻ  സംഭവിക്കുന്നു. ഇവിടെ സ്‌പൈനൽ കനാലിന്റെ വ്യാസം കുറയുകയും അത് വഴി സ്‌പൈനൽ കോർഡും (സുഷുമ്‌നാ നാഡി) ഞരമ്പുകളും കംപ്രസ്ഡ് ആവുകയും ചെയ്യുന്നു.    ഇതിനെ സ്പൈനൽ കനാൽ സ്റ്റെനോസിസ് എന്ന് വിളിക്കുന്നു. അവിടെ സ്‌പൈനൽ കനാലിലെ അസ്ഥിബന്ധങ്ങൾ കട്ടിയാകാം അല്ലെങ്കിൽ ഡിസ്ക് പ്രോലാപ്സ് സംഭവിച്ചേക്കാം. ന്യൂറോജെനിക് ക്ലോഡിക്കേഷൻ പുറം, നിതംബം, കാലുകൾ എന്നിവയിൽ വേദനയും തരിപ്പുo ആയി കാണപ്പെടുന്നു. വിശ്രമത്തിലൂടെ ഇതിൽനിന്നും ആശ്വാസം ലഭിക്കുന്നതാണ്. കുറച്ച്  നടക്കുമ്പോൾ ഇത് വർദ്ധിക്കുന്നു.

ഇരുവശങ്ങളെയും ബാധിക്കുന്ന തരത്തിലാണ് ലക്ഷണങ്ങൾ കണ്ടുവരുന്നത്. കാലുകളെക്കാൾ അധികമായി പുറത്തു അതിതീവ്രമായ വേദന അനുഭവപ്പെടുന്നതായി കാണപ്പെടുന്നു.

രോഗലക്ഷണ ചികിത്സ പരീക്ഷിക്കാമെങ്കിലും കഠിനമായ കംപ്രഷന് ശസ്ത്രക്രിയ ആവശ്യമായി വന്നേക്കാം.

ലളിതമായ വേദനസംഹാരികൾ, മസിൽ റിലാക്സന്റുകൾ തുടങ്ങിയ മരുന്നുകളും പരീക്ഷിക്കാം. ഹീറ്റ് ആപ്ലിക്കേഷൻ, ഡീപ് ടിഷ്യു മസാജ്, ഫിസിയോതെറാപ്പി, അൾട്രാസൗണ്ട് അല്ലെങ്കിൽ ഇലക്ട്രിക് stimulation എന്നിവ സഹായകരമാകും. വേദന കുറഞ്ഞുകഴിഞ്ഞാൽ, ശരിയായ വ്യായാമങ്ങൾ, യോഗ തുടങ്ങിയവ പേശികളെ സ്ടെറച്ചു ചെയ്യാനു൦ ശക്തിപ്പെടുത്താനും സഹായിക്കും. നിരന്തരമായ അല്ലെങ്കിൽ ആവർത്തിച്ചുള്ള വേദനയ്ക്കു  വേദനസ൦ഹാരികളിൽനിന്നു൦ ആശ്വാസ൦ കിട്ടിയില്ലെങ്കിൽ കൂടുതൽ ചികിത്സ ആസൂത്രണം ചെയ്യുന്നതിന് മുമ്പ് ശരിയായി വിലയിരുത്തണം.   

സ്പോണ്ടിലോലിസ്തസിസ്

കുനിഞ്ഞു നിവരുമ്പോൾ അസഹനീയമായ നടുവ് വേദന, അല്ലെങ്കിൽ ദീർഘനേരം കംപ്യൂട്ടറിന്റെ  മുന്നിൽ ഇരിക്കുമ്പോൾ അനുഭവപ്പെടുന്ന ദുസ്സഹമായ വേദന, ഇവയെല്ലാം നമ്മളിൽ ബഹുഭൂരിഭാഗം ആളുകളും അനുഭവിക്കുന്ന ഒന്നാണ്.

കശേരുക്കളുടെ സ്ഥാനത്തിലുളള വ്യതിയാനം കൊണ്ടാണ് സ്പോണ്ടിലോലിസ്തസിസ് സംഭവിക്കുന്നത്. ഒരു കശേരു  അതിന്റെ താഴെയുള്ള കശേരുക്കളിൽ നിന്നും വഴുതി മുന്നോട്ട് പോകുമ്പോൾ സ്പോണ്ടിലോലിസ്തെസിസ് സംഭവിക്കുന്നു. കശേരുക്കൾക്കും facet joint കൾക്കും (കശേരുക്കളെ പരസ്പരം ബന്ധിപ്പിക്കുന്ന ഓരോ കശേരുക്കളുടെയും രണ്ട് പിൻഭാഗങ്ങൾ) ഇടയിലുള്ള ഡിസ്‌ക്കുകളും തേഞു പോയേകാം. Facet joint കളുടെ അസ്ഥി യഥാർത്ഥത്തിൽ വീണ്ടും അമിതമായി വളരുകയും ചെയ്യുന്നു, ഇത് അസന്തുലിതവും അസ്ഥിരവുമായ ഉപരിതല വിസ്തീർണ്ണത്തിന് കാരണമാകുന്നു, ഇത് മൂലം കശേരുക്കൾക്ക് സ്ഥാനത്ത് തുടരാൻ കഴിയുന്നില്ല. കാരണം എന്തുതന്നെയായാലും, കശേരുക്കൾ സ്ഥലത്തുനിന്ന് വഴുതിവീഴുമ്പോൾ, അത് അതിനു താഴെയുള്ള അസ്ഥിയിൽ സമ്മർദ്ദം ചെലുത്തുന്നു.

ചികിത്സ എപ്രകാരം:

സ്പോണ്ടിലോലിസിസ്, സ്പോണ്ടിലോലിസ്തസിസ് എന്നിവയ്ക്കുള്ള ചികിത്സയുടെ ലക്ഷ്യങ്ങൾ ഇവയാണ്:

1. വേദന കുറയ്ക്കുക

2. പുതുതായി ഉണ്ടായ പാർസ് ഒടിവ് സുഖപ്പെടാൻ അനുവദിക്കുക

3. രോഗിയെ സ്പോർട്സിലേക്കും മറ്റ് ദൈനംദിന പ്രവർത്തനങ്ങളിലേക്കും തിരികെ എത്തിക്കുക.

4. ശസ്ത്രക്രിയാേതര ചികിത്സ (Nonsurgical Treatment)

പ്രാരംഭ ചികിത്സ മിക്കവാറും എല്ലായ്പ്പോഴും ശസ്ത്രക്രിയാരഹിതമാണ്. സ്പോണ്ടിലോലൈസിസ്, താഴ്ന്ന ഗ്രേഡ് സ്പോണ്ടിലോലിസ്റ്റിസിസ് എന്നിവയുള്ള മിക്ക രോഗികളും ശസ്ത്രക്രിയാേതര ചികിത്സയിലൂടെ മെച്ചപ്പെടും.

ശസ്ത്രക്രിയാേതര ചികിത്സയിൽ താഴെ പറയുന്നവ ഉൾപ്പെട്ടിരിക്കുന്നു:

• വിശ്രമം
• നോൺസ്റ്റിറോയിഡൽ ആന്റി-ഇൻഫ്ലമേറ്ററി മരുന്നുകൾ (NSAIDs) -   NSAID-കൾ വീക്കം കുറയ്ക്കുന്നതിനും നടുവേദന ഒഴിവാക്കുന്നതിനും സഹായിക്കും.
• ഫിസിക്കൽ തെറാപ്പി -  നിർദ്ദിഷ്ട വ്യായാമങ്ങൾ വഴക്കം മെച്ചപ്പെടുത്താനും ഇറുകിയ ഹാംസ്ട്രിംഗ് പേശികൾ നീട്ടാനും പുറകിലെയും ഉദരത്തിലെയും പേശികളെ ശക്തിപ്പെടുത്താനും സഹായിക്കും.
• ബ്രേസിംഗ് - നട്ടെല്ലിലെ ചലനം പരിമിതപ്പെടുത്തുന്നതിനും സമീപകാല പാർസ് ഒടിവ് സുഖപ്പെടുത്താൻ  ചില രോഗികൾക്ക് ഒരു കാലയളവിലേക്ക് ബാക്ക് ബ്രേസ് ധരിക്കേണ്ടി വന്നേക്കാം.

ശസ്ത്രക്രിയാ ചികിത്സ

> സ്പോണ്ടിലോലിസ്തസിസ് രോഗികൾക്ക് ശസ്ത്രക്രിയ ശുപാർശ ചെയ്തേക്കാം:

• തീവ്രമോ ഉയർന്ന ഗ്രേഡ് സ്ലിപ്പേജ് 
• ക്രമേണ വഷളാകുന്ന സ്ലിപ്പേജ് 
• ശസ്ത്രക്രിയചെയ്യാത്ത ചികിത്സയുടെ ഒരു കാലയളവിന് ശേഷം മെച്ചപ്പെടാത്ത നടുവേദന 
• അഞ്ചാമത്തെ ലംബാർ കശേരുക്കളും സാക്രവും തമ്മിലുള്ള സ്പൈനൽ ഫ്യൂഷൻ സ്പോണ്ടിലോലിസ്റ്റിസിസ് ഉള്ള രോഗികളെ ചികിത്സിക്കാൻ ഏറ്റവും കൂടുതൽ ഉപയോഗിക്കുന്നതു  ശസ്ത്രക്രിയാ നടപടിക്രമമാണ്.

ശസ്ത്രക്രിയാ നടപടിക്രമം

സ്പൈനൽ ഫ്യൂഷൻ അടിസ്ഥാനപരമായി ഒരു "വെൽഡിംഗ്" പ്രക്രിയയാണ്. ബാധിക്കപ്പെട്ട കശേരുക്കളെ സംയോജിപ്പിക്കും. അങ്ങനെ അവ ഒരൊറ്റ, ഖര അസ്ഥിയായി ഉണങ്ങുക എന്നതാണ് അടിസ്ഥാന ആശയം. ഫ്യൂഷൻ കേടായ കശേരുക്കൾക്ക് ഇടയിലുള്ള ചലനം ഇല്ലാതാക്കുകയും നട്ടെല്ലിന്റെ അമിതമായ ചലനം എടുത്തുകളയുകയും ചെയ്യുന്നു.

നടപടിക്രമവേളയിൽ, ആദ്യം ലംബാർ നട്ടെല്ലിലെ കശേരുക്കളെ പുനക്രമീകരിക്കും. അസ്ഥി ഗ്രാഫ്റ്റ് (bone graft) എന്ന് വിളിക്കപ്പെടുന്ന ചെറിയ അസ്ഥി കഷണങ്ങൾ കശേരുക്കൾക്ക് ഇടയിലുള്ള ഇടങ്ങളിലേക്ക് സംയോജിപ്പിക്കും. ചില സമയങ്ങളിൽ  പ്രത്യേകം രൂപകൽപ്പന ചെയ്ത ഇംപ്ലാന്റുകൾ ഉപയോഗിക്കുന്നു.

അസ്ഥി ഗ്രാഫ്റ്റ് സ്ഥാപിക്കുന്നതിന് മുമ്പ്, നട്ടെല്ല് കൂടുതൽ സ്ഥിരീകരിക്കുന്നതിനും വിജയകരമായ സംയോജനത്തിന്റെ സാധ്യതകൾ മെച്ചപ്പെടുത്തുന്നതിനും  റോഡുകളും  സ്ക്രൂകളും ഉപയോഗിച്ചേക്കാം.

ചില സന്ദർഭങ്ങളിൽ, ഉയർന്ന ഗ്രേഡ് സ്ലിപ്പേജ് ഉള്ള രോഗികൾക്ക് നട്ടെല്ലിന്റെ നാഡി വേരുകളുടെ ഞെരുക്കവും ഉണ്ടായിരിക്കും. ഇങ്ങനെയാണെങ്കിൽ, സ്പൈനൽ ഫ്യൂഷൻ നടത്തുന്നതിന് മുമ്പ് ആദ്യം സ്പൈനൽ കനാൽ തുറക്കുന്നതിനും ഞരമ്പുകളിൽ സമ്മർദ്ദം ഒഴിവാക്കുന്നതിനും ഒരു നടപടിക്രമം നടത്തിയേക്കാം.

ചികിത്സയുടെ പരിണാമം എപ്രകാരം എന്ന് നോക്കാം:

സ്പോണ്ടിലോലൈസിസ്, സ്പോണ്ടിലോലിസ്തെസിസ് എന്നിവയുള്ള രോഗികളിൽ ഭൂരിഭാഗവും ചികിത്സയ്ക്ക് ശേഷം വേദനയും മറ്റ് രോഗലക്ഷണങ്ങളും ഇല്ലാത്തവരാണ്. മിക്ക സന്ദർഭങ്ങളിലും,  സ്പോർട്സും മറ്റ് പ്രവർത്തനങ്ങളും ക്രമേണ പുനരാരംഭിക്കാൻ കഴിയും.

സംഭവ്യമായ സങ്കീർണ്ണതകൾ

സ്പോണ്ടിലോലിസ്തസിസിന്റെ ലക്ഷണങ്ങൾ ഒഴിവാക്കുന്നതിന് മെഡിക്കൽ ഇടപെടൽ നിർണായകമാണ്. ചികിത്സിക്കാതെ വിട്ടാൽ ഈ അവസ്ഥ വിട്ടുമാറാത്ത വേദനയ്ക്കും സ്ഥിരമായ കേടുപാടുകൾക്കും കാരണമാകും. ഞരമ്പുകൾക്ക് കേടുപാടുകൾ സംഭവിച്ചിട്ടുണ്ടെങ്കിൽ  ഒടുവിൽ ബലഹീനതയും കാലിലെ തളർച്ചയും അനുഭവപ്പെട്ടേക്കാം. അപൂർവസാഹചര്യങ്ങളിൽ നട്ടെല്ലിന്റെ അണുബാധയും ഉണ്ടായേക്കാം. അതിനാൽ കൃത്യസമയത്തെ ചികിത്സക്കു എന്നും മുൻ‌തൂക്കം കൊടുക്കാം.

കാർപൽ ടണൽ സിൻഡ്രോം

കൈ വേദനയുടെ ഏറ്റവും പതിവ്  കാരണമായി ഇതിനെ കാണാവുന്നതാണ്. കൈത്തണ്ടയിലെ  അസ്ഥിബന്ധത്തിന് (transverse carpel ligament) കീഴിലുള്ള മീഡിയൻ നാഡി ( Median Nerve)  കംപ്രഷൻ കാരണം സംഭവിക്കുന്ന ഒന്നാണിത്.

ഈ ലക്ഷണങ്ങൾ  മീഡിയൻ നാഡി ‌‌‌‌‌‌‌supply ചെയ്യുന്ന ഭാഗത്ത്    കാണപ്പെടുന്നു . ( തള്ളവിരൽ, സൂചിക, നടുവിരൽ, മോതിരം വിരലിന്റെ പകുതി എന്നിവയെ ഉൾപ്പെടുന്നു) . രോഗിയുടെ കയ്യിൽ ഒരുതരം ഇലക്ട്രിക് / പിൻപ്രിക്(സൂചികൊണ്ട്  ക  കുത്തന്നപോലെ)

സെൻസേഷനായി ഇത് അനുഭവപ്പെടുന്നു.

എന്നാൽ  ചില അവസരങ്ങളിൽ കൈ പേശികളുടെ ശോഷിപ്പു (Atrophy) സംഭവിച്ചേക്കാവുന്നതാണ്.

ഇതിന്റെ ചികിത്സ എന്ന് പറയുന്നത്, കൈത്തണ്ടയെ   കൃത്യസ്ഥാനത്ത് നിർത്തുന്ന Wrist Splint, ആന്റി ഡിപ്രസന്റ്സ് ്  അല്ലെങ്കിൽ    ചില അപസ്മാരത്തിനുള്ള മരുന്നുകളുടെ ഉപയോഗം  എന്നിവയാണ്. നാടിഞെരുക്കത്തിന് കാരണമായി വരുന്ന നീർക്കെട്ട് കുറയ്ക്കുന്ന സ്റ്റീറോയ്ഡ്സ് കുത്തിവെയ്പ്പും എടുക്കാം.

അനിയന്ത്രിതമായ കേസുകളിൽ ശസ്ത്രക്രിയ ആവശ്യമായി വന്നേക്കാം

ട്രൈജെമിനൽ ന്യൂറാൾജിയ

ന്യൂറോളജിക്കൽ വേദനയുടെ ഏറ്റവും കഠിനമായ രൂപം. ചിലപ്പോൾ ഇതിൻെറ കാഠിന്യം ചിലരെ ആത്മഹത്യയിലേക്ക് വരെ നയിച്ചെന്നു വരാം. മുഖത്തെ ട്രൈജമിനൽ നാഡിയെ ബാധിക്കുന്ന ഒരു വിട്ടുമാറാത്ത വേദനയാണിത്. മൂക്കിന് ചുറ്റുമുള്ള ഭാഗത്തെയും കണ്ണിന് മുകളിലുള്ള ഭാഗത്തെയും ചിലപ്പോൾ ബാധിക്കുന്നുണ്ടെങ്കിലും വേദന സാധാരണയായി അനുഭവപ്പെടുന്നത്  മുഖത്തിന്റെ താഴത്തെ ഭാഗത്തും താടിയെല്ലിലും   ആണ്. വേദന അതിതീവ്രവും ഇലക്ട്രിക്ക് ഷോക്ക് പോലെയുള്ള സംവേദനം സൃഷ്ടിക്കുന്നവയുമാണ്. സാധാരണയായി ചർമ്മത്തിന്റെ ഒരു പ്രദേശം സ്പർശിക്കുന്നതിലൂടെയോ നിർദ്ദിഷ്ടപ്രവർത്തനത്തിലൂടെയോ ഇത് ആരംഭിക്കുന്നു..

ട്രൈജമിനൽ നാഡിയുടെ പ്രകോപനം മൂലമാണ് ഈ തീവ്രമായ,  വൈദ്യുത ഷോക്ക് പോലുള്ള വേദന ഉണ്ടാകുന്നത്. ഇത് നെറ്റിയിലേക്കും കവിളിലേക്കും താഴത്തെ താടിയെല്ലിലേക്കും വ്യാപിക്കുന്നു. സാധാരണയായി മുഖത്തിന്റെ ഒരു വശത്താണ് ഇത് അനുഭവപ്പെടുന്നത്‌‌.

തണുത്ത വെള്ളം കുടിക്കുമ്പോഴോ ഭക്ഷണം കഴിക്കുമ്പോഴോ ഇത് സംഭവിക്കാം. കാറ്റ് തട്ടുന്നത് പോലുള്ള തീർത്തും മിതമായ സെൻസറി ഉത്തേജകങ്ങളാൽ പോലും വേദന വർദ്ധിക്കുന്നു.  തലച്ചോറിലെ ഒരു സിര അല്ലെങ്കിൽ ധമനി   ട്രൈജമിനൽ നാഡിയും തമ്മിലുള്ള സമ്പർക്കമാണ് സാധാരണയായി വേദനയ്ക്ക് കാരണമാവുന്നതു. ഇവ ട്രൈജമിനൽ നാഡിയെ കംപ്രസ് ചെയ്യുക വഴി വേദന സൃഷ്ടിക്കുകയും ചെയ്യുന്നു.

ക്ലിനിക്കൽ രോഗനിർണയം വഴി ഇത് കണ്ടുപിടിക്കുന്നു.  സ്ഥിരീകരണത്തിനായി  MRI എടുക്കാം..ഈ പ്രശ്നത്തിനായി പലതരം മരുന്നുകൾ പരീക്ഷിക്കാൻ കഴിയും കൂടാതെ മിക്ക കേസുകളിലും ശ്രദ്ധേയമായ ആശ്വാസം ലഭിക്കും.

നേരിട്ടുള്ള നാഡി കുത്തിവയ്പ്പിലൂടെയും നാഡി വേദന കുറയ്ക്കാം.   അസാധാരണമായ രക്തതക്കുഴലുകളെ കൈകാര്യം ചെയ്യുന്നതിനായി ശസ്ത്രക്രിയ വേണമെങ്കിൽ ചെയ്യാവുന്നതാണ്. ഈ പ്രക്രിയയിൽ ട്രൈജമിനൽ റൂട്ടുമായി സമ്പർക്കം പുലർത്തുന്ന രക്തക്കുഴലുകൾ മാറ്റിസ്ഥാപിക്കുകയോ നീക്കം ചെയ്യുകയോ ചെയ്യുന്നു.

അപസ്മാര ശസ്ത്രക്രിയ

  തലച്ചോറിൽ  Epilepsy സംഭവിക്കുന്ന കേടുപാടുകൾ നീക്കം ചെയ്യപ്പെടുന്നതും ഇപ്പോൾ Neurosurgery- യുടെ സഹായത്താൽ സാധ്യമാണ്.അപസ്മാരം zone കണ്ടെത്തുകയും അത് കൃത്യമായി നീക്കം ചെയ്യുകയും ചെയ്യുന്നു.. 

Functional ന്യൂറോ സർജറി

ഇവിടെ പാർക്കിൻസോണിസം, സ്പാസ്റ്റിസിറ്റി, കടുത്ത വിഷാദം,TREMORS പോലുള്ള അസാധാരണമായ ചലന വൈകല്യങ്ങൾ ,കഠിനമായ ന്യൂറോളജിക്കൽ വേദന  തുടങ്ങിയ വിട്ടുമാറാത്ത ന്യൂറോളജിക്കൽ ഡിസോർഡേഴ്സ് കൈകാര്യം ചെയ്യുന്നത് ഡീപ് ബ്രെയിൻ Stimulation  ( DBS) പോലുള്ള പ്രത്യേക സാങ്കേതിക വിദ്യകളിലൂടെയാണ്.

ഒരു വിദഗ്ദ്‌ധ Neurosurgeon - ലേക്ക് എത്തിപ്പെടാനുള്ള യാത്ര തീർത്തും കാഠിന്യമേറിയതാണ്. 6 വർഷത്തെ പ്രാഥമിക മെഡിക്കൽ ട്രെയിനിങ്ങും ഇന്റേൺഷിപ്പും കൂടാതെ സർജറിയിൽ മാത്രം 3 വർഷം  നീണ്ടു നിൽക്കുന്ന  ബിരുദാനന്തര ബിരുദവും എടുക്കേണ്ടതാണ്. അതിനു ശേഷം 3 വർഷത്തെ Neurosurgery Super Speciality Training ചെയ്യേണ്ടതായി വരുന്നു. അങ്ങനെ 12-14 വർഷത്തെ സമഗ്രമായ പഠനത്തിനും, തീവ്രമായ പരിശീലനത്തിനും, അതീവശ്രദ്ധയോടെ നിർവഹിക്കുന്ന ഗവേഷണങ്ങൾക്കും ഒടുവിലാണ് ഒരു വ്യക്തി Neurosurgeon എന്ന തലത്തിലേക്ക് ഉയർത്തപ്പെടുന്നതു. ഇതിനു ശേഷം Neurosurgeon - നു ഏതെങ്കിലും ഒരു Subspeciality തിരഞ്ഞെടുക്കാവുന്നതാണ്. Neuro Oncology, Neuro  Endoscopy, vascular Neurosurgery, Paediatric Neurosurgery, Spine, Trauma, Functional  Neurosurgery തുടങ്ങിയവയാണ് സബ്‌സ്‌പെഷ്യലിറ്റിയിൽ പെടുന്നത്. 1 - 2 വർഷത്തെ ഫെല്ലോഷിപ്പ് ട്രെയിനിങ് ഇതിനു തീർത്തും ആവശ്യമായി വരുന്നു.

തലച്ചോറ് - നട്ടെല്ല് എന്നിവയെ സംബന്ധിച്ച അനുരൂപമായ അപാകതകൾ വരെ Neurosurgeons തികഞ്ഞ നൈപുണ്യത്തോടെയാണ് നേരിടുന്നത്.

ഏതൊരു ന്യൂറോസർജിക്കൽ രോഗിയും ഒരു Neurosurgeon-ൻ്റെ അരികിൽ എത്തുന്നത്  ഗുരുതരമായ രോഗാവസ്ഥയിലായിരിക്കും. അതിനാൽ തന്നെ സുദീർഘമായ വൈദ്യപരിചരണം ആവശ്യവുമായി വരുന്നു. ഒരു രോഗിയെ സംബന്ധിച്ചു മരണത്തിനടുത്തുനിന്നും ജീവിതത്തിലേക്കുള്ള അയാളുടെ തിരിച്ചുവരവിന് പിന്നിൽ ഒരു Neurosurgeon-ൻ്റെ വിരാമമില്ലാത്ത നിരന്തര  പരിശ്രമമുണ്ട്. പലപ്പോഴും ഒരു ആയുഷ്കാലം മുഴുവൻ നിറഞ്ഞുനിൽക്കുന്ന ഊഷ്മളത നിറഞ്ഞ ആത്മബന്ധമായി ഡോക്ടർ - രോഗി ബന്ധം മാറുന്നുവെന്നതാണ് അനുഭവം.

 

Dr Arun Oommen 

Neurosurgeon